أفكار ذكية للشقة الضيقة ....

- كتير مننا بيحتار يصمم الغرف  بالطريقة اللى تتناسب مع المساحة وخصوصا لو كانت الشقة صغيرة ، دول بقى شوية صور أتمنى انها تعجبكم وتوفر عليكم الوقت والمجهود ....

صيد سهل وسريع ....

 " الصيد بـ الحداف "

Hand-line fishing 

- أنا جربت اشترى سنارة وماكينة ويبقى عندى عدة كاملة لكن للأسف لاحظت انى مش هداوم على الصيد ويمكن اصطاد مرة فى الشهر وبالتالى هتكون السنارة مكلفة على الفاضى ، وعلشان كده اشتريت حداف وده أجمل بكتير من وجهة نظرى وكمان أسهل من الصنارة ورخيص وكمان بتعتمد فيه على صوابعك فى انك تحس بالسمكة مش محتاج غماز ولا جرس فى اول القصبة ولا ماكينة علشان تسحب الخيط بسرعة .

- الحداف أو ( Hand-line fishing )  ممكن تصطاد بيه من على الشاطئ أو من على المركب ، وتصنيعه بسيط لدرجة انك مش محتاج تشتريه وممكن تعمله بنفسك كل المطلوب : ( بكره خيط 40m - و5 جنيه خطافات - و5 جنيه رصاص _ والطعم ) .

حداف جاهز

- الطعم بالذات سهل ممكن تشتريه دود من محلات ادوات الصيد او تعمل عجينة بالدقيق او تشترى طعم بلاستيك على شكل سمك صغير .

( والاحلى من ده كله طين صلصال ملون وده بقى ما بيدوبش فى المياه وكمان رخيص وسهل وكمان نضيف).

طين صلصال

* وفى الاخر الصيد ده رزق من عند ربنا ومادام بتصطاد كهواية او وقت فراغ يبقى خليك مع الحداف لانه صغير وومكن تخليه معاك فى اى مكان ورخيص وعملى جدا .